Эрүүл мэндийн салбарынхан ажил хаялт хийхгүй

Эмч эмнэлгийн ажилчид энэ сарын 11-12 -нд шилжих шөнө Сүхбаатарын талбайд суулт хийсэн. эрүүл мэндийн салбарынхаа эмч, ажилчдын төлөөлөлтэй  Эрүүл мэндийн сайд Ж.Чинбүрэн уулзаж хэлэлцээр хийхээр болсон. Өчигдөр Эрүүл мэндийн сайд Ж.Чинбүрэн, Сангийн сайд Б.Жавхлан, Гэр бүл, хөдөлмөр, нийгмийн хамгааллын сайд Т.Аубакир нар Монголын Эрүүл мэндийн ажилтны үйлдвэрчний эвлэлийн холбооны төлөөлөлтэй уулзалт хийлээ. Өнгөрсөн хугацаанд эмч, ажилчдын цалинг хэрхэн нэмэгдүүлэх талаар бодит тооцооллыг хийснээ танилцуулснаар Эрүүл мэндийн салбарын “Гурван талт хэлэлцээр”-ийг үргэлжлүүлэн хэлэлцэхээр боллоо. Иймд эрүүл мэндийн салбарынхан ажил хаялт хийхгүй.