Эрэн сурвалжилж байгаа хоёрын нэг нь “Таванбогд” группийн Ц.Баатарсайханы хүү гэв үү…

Сүхбаатар дүүрэгт байрлах “Cante”, “Zu” шөнийн клубийн гадна УИХ-ын гишүүн Ц.Цэрэнпунцагын хүү, “Эрэл”-ийн Б.Эрдэнэбат нарын хүүхдүүд долоодугаар сарын 18-19-ний шилжих шөнө гэм зэмгүй нэгний  биед халдаж, эрүүл мэндэд ноцтой хохирол учруулсан ноцтой хэрэг гарсан. Одоогоор хохирогчийн биеийн байдал хүнд, эмнэлэгт хэвтэн эмчлүүлж байгаа бөгөөд ар гэрийнхний зүгээс хэрэгт холбогдсон этгээдүүд хар тамхи хэрэглэсэн нь шинжилгээгээр тогтоосон гэх  мэдээллийг өгсөн юм.Харин цагдаагийн байгууллагаас сэжигтэй этгээдүүдээс биологийн шинжилгээ авсан, хариу гараагүй байгаа гэдэг тайлбар өгч байна. Мөн хэрэг гарах үед дөрвөн иргэн байсны хоёрыг нь эрэн сурвалжлах ажиллагаа хийж байна гэлээ. Эрэн сурвалжилж байгаа хоёр хүүхдийн нэг нь “Таванбогд” группийн Ерөнхийлөгч Ц. Баатарсайханы хүү. Тэрбээр хэдийнэ хил даван оргон зайлсан гэх мэдээлэл бас байна. Харин цагдаагийнхан олны танил бизнесмэнүүдийн хүүхдүүд гэдгийг тодорхой хэлэхгүй байгаа ч хохирогчийн ар гэрийнхэн энэ талаар нийгэмд шүгэл үлээж, эд хөрөнгөөрөө түрий барьж, хэргээс ял зэмгүй мултрахвий гэсэн болгоомжлол байгаагаа хэлсэн юм.