Ч.Лодойсамбуу: Хотын дарга 150 хүний бүрэлдэхүүнтэй Унгарт туршлага судалж явна. Онгоц дүүрэн хүн шүү дээ…

Монголын төрийн байгууллагын албаны дарга нар, яамд, улстөрчид туршлага судлах нэрийдлээр гадаад улс оронд өргөн бүрэлдэхүүнтэйгээр байсхийгээд "зугаалах" нь элбэг. Татвар төлөгчдийн мөнгөөр ийнхүү туршлага судална гэцгээн явцгаадаг ч юуны ямар туршлага судлаад энэ нь монголчуудын амьдралд үр өгөөжөө өгсөн нь даанч үгүй.  Харин энэ удаад Хотын дарга онгоц дүүрэн хүн аваад туршлага судлахаар явжээ. Энэ талаар УИХ-ын гишүүн Ч.Лодойсамбуу: Хотын дарга 150 хүний бүрэлдэхүүнтэй Унгарт туршлага судалж яваа юм байна. Яасан судалж дуусдаггүй туршлага вэ. Онгоц дүүрэн хүн шүү дээ. Татвар нэмэхдээ жигтэйхэн их зовлон ярьсан даа. Зугаалганых нь л мөнгө байж" хэмээлээ.