Ч.Лодойсамбуу: Засгийн газраас оруулсан хэвлэл мэдээллийн хуулийн төсөл дээр том бүрэлдэхүүнтэй ажиллана

Хэвлэл, мэдээллийн эрх чөлөөний тухай хуулийн шинэчилсэн найруулгын төслийг хэлэлцэх эсэх асуудлаар санал хураалт явуулж гишүүдийн олонх хуулийн төслийг үзэл баримтлалын хүрээнд дэмжих нь зүйтэй гэж үзсэн. Энэ талаар УИХ-ын гишүүн Ч.Лодойсамбуу: Төр, хэвлэл хоёрын зах зээл булаацалдаад байгааг арилгах ёстой. Засгийн газраас  оруулсан хуулийн төсөл дээр том бүрэлдэхүүнтэй ажиллана.

Засгийн газраас Хэвлэлийн эрх чөлөөний хуулийн тухай шинэчилсэн найруулгыг хоёр, гурван сарын өмнө өргөн барьсан. Энэхүү хуулийн төслийг би анхнаасаа дэмжихгүй байгаагаа илэрхийлсэн. Би хэвлэлийн эрх чөлөөг хангах талаарх асуудлын ажлын хэсгийн ахлагч байсан. Энэхүү ажлын хэсгийг УИХ-ын дарга байгуулж өгсөн. Энэ ажлын хэсгийн хувиар дүгнэлтүүд гаргаж байсан. Одоо байгаа Хэвлэлийн эрх чөлөөний тухай хуульд алдаа алга байна. Энэ хуулийг амилуулахгүй байгаа, хэрэгсэхгүй байгаа нь энэ хуулийн буруу биш гэсэн байр суурьтай байсан гэв.