ЦЕГ: 3-5 насны гурван охин галд өртөж, нас барсан хэргийг шалгаж байна

Төв аймгийн Жаргалант сумын хоёрдугаар багт айлын байшин шатаж байна гэх дуудлага  энэ сарын 21-ний 16:30 цагт  онцгой байдлын газарт бүртгэгджээ. Дуудлагын дагуу очиход  гал түймэрт 3-5 насны гурван охин өртөж, нас барсан харамсалтай хэрэг гарчээ. Ээж нь бүх нийтийн их цэвэрлэгээнд явсан хойгуур дөрвөн хүүхэд нь гэртээ үлджээ. Гэтэл 15 настай охиныг нь сургуулиас нь мөн их цэвэрлэгээнд дуудсан тул бага насны гурван хүүхэд харгалзах хүнгүйгээр гэртээ үлдсэн байна. ЦЕГ энэ талаар"3-5 насны гурван охин галд өртөж, нас барсан хэргийг шалгаж байна" гэв.