Засгийн газрын ээлжит хуралдаанаас гаргасан зарим шийдвэрийг ЗГХЭГ-ын дарга Н.Учрал дараах байдлаар танилцууллаа.
Тодруулбал:
Хөвсгөл аймгийн "Шинэ Мөрөн" худалдаа үйлчилгээний төвийн барилгад гал гарсны улмаас хохирсон иргэдэд худалдаа үйлчилгээ эрхлэх эргэлтийн хөрөнгө буюу зээлийн зориулалтаар 5.2 тэрбум төгрөгийг олгоно. Энэ нь эргэн төлөх нөхцөлтэйг тэрбээр хэлэв.
Мөн төр, нийгмийн нэрт зүтгэлтэн Монгол Улсын Ерөнхий сайд асан Агданбуугийн Амарын мэндэлсний 140 жилийн ойг тэмдэглэн өнгөрүүлэх асуудлыг иргэдийн хүсэлтээр Засгийн газар шийдвэрлэж, Засгийн газрын зүгээс 140 жилийн ойг хамтарч тэмдэглэх болсныг ЗГХЭГ-ын дарга Н.Учрал хэллээ.
