Нийслэлийн Засаг Дарга бөгөөд Улаанбаатар хотын захирагч Х.Нямбаатар цаг үеийн асуудлаар байр сууриа илэрхийллээ.
Тодруулбал тэрээр: "Сүүлийн өдрүүдэд улс төрийн зорилгоор ардаа нэр бүхий эзэдтэй хэвлэлийн байгууллагууд нийслэлийн удирдлагын баг бүрэлдэхүүний талаар худал мэдээлэл цацах нь ихэслээ.
Хэрэв нотолж чадахгүй бол би нийслэлийн удирдлагуудын өмнөөс хуулийн байгууллагад хандах болно. Хотод хэрэгжүүлж буй төслүүдийн сонгон шалгаруулалтууд бүгд FIDIC -ийн гэрээний зарчмаар, нээлттэй явагдаж байгаа.
Намайг хууль хяналтын байгууллагаас шалгасан зүйл байхгүй." гэсэн байна.
Жишээ нь нэгэн нийтлэлд “…шалгаж эхэлсэн гэх мэдээлэл байна…, шалгаад үзэхэд гэмгүй…” гэх зэрэг яг аль байгууллага намайг шалгаж эхэлсэн нь тодорхойгүй, сэтгүүлч өөрөө шалгаач гэсэн санаа дэвшүүлсэн мэт таамаг төдий ойлгомжгүй өгүүлбэрүүд олон байна.Гэхдээ их сүржин гарчигтай. Тус нийтлэлийг бичсэн сэтгүүлчийг намайг аль байгууллага, ямар үндэслэлээр шалгаж эхэлснийг нийтэд ил тод мэдээлэхийг хүсье.
