Өчигдөр буюу 2025.06.29-ны өдөр Монгол Улсын 3x3 сагсанбөмбөгийн шигшээ багийн тамирчид баxдам амжилтыг үзүүлж АНУ, БНXАУ, Польшийн шигшээ багуудыг буулган авч мөнгөн медаль xүртсэн.Тэгвэл үүнтэй xолбогдуулан Монгол Улсын Ерөнxийлөгч У.Xүрэлсүx түүx бүтээж мөнгөн медаль xүртсэн тамирчдад баяр xүргэж өөрийн цаxим xуудсандаа сэтгэгдлээ илэрxийлсэн байна.
Тэрээр " Дэлхийн аваргад багийн спортоор түүхэн дээд амжилт гаргаж, төрийн алтан соёмбот далбаагаа мандуулж, Монгол эмэгтэйчүүд ямар байдгийг дэлхийд зарлан тунхагласан Монгол Улсын 3х3 сагсан бөмбөгийн эмэгтэй шигшээ багтаа төр, түмнийхээ өмнөөс халуун баяр хүргэе!Монголын төр, ард түмэн Монгол эх орон монгол охид Та бүхнээрээ бахархаж байна. Та бүхэн минь уйгагүй хөдөлмөр, эвийн хүчээрээ дэлхийн дэвжээнд Монголоо гоёлоо.
Хоёрхон жилийн өмнөх ДАШТ-д 20 багаас 18-р байранд орж байсан манай охид олимп, дэлхийн аваргуудыг дараалан ялсаар, дэлхийн дэд аварга болж гайхамшиг бүтээлээ.Монголчууд атгасан гар шиг эв эетэй байхдаа бахдам түүх бүтээж чаддагийг энэ торгон мөчүүд яруу тодоор батлан харуулж байна. Аугаа амжилт ялалтыг бүтээсэн баг, хамт олон Та бүхнийг монгол төр үнэлэх болно.
Амжилтаа улам ахиулж Олимп, дэлхийн аварга болж алтан соёмбот төрийн далбаагаа тун удахгүй дахин улам өндөрт мандуулахын өлзийтэй сайхан ерөөлийг өргөн дэвшүүлье" гэжээ.
