Энэ оны эхний дөрвөн сарын байдлаар Монгол Улсын төсвийн тэнцвэржүүлсэн орлого 800 гаруй тэрбум төгрөгөөр тасарчээ. Энэ нь өнгөрсөн оны мөн үетэй харьцуулахад 1.2 их наяд төгрөгөөр тасраад байгаа аж.
Монгол Улс энэ оны эхний дөрвөн сард 25 сая тонн нүүрс экспортолсон нь өнгөрсөн оны мөн үеийн төвшинд боловч нүүрсний үнэ 44 хувиар унасан. Хэрвээ нүүрсний үнэ унахгүй хэвээр хадгалагдвал оны эцэст төсвийн орлого 2.3 их наяд төгрөгөөр буурах төлөв гарч буй аж.
Сангийн сайдаар ахлуулсан баг экспортыг нэмэгдүүлж, нүүрсний үнийн уналтаас үүдэлтэй төсвийн орлогын бууралтыг нөхөхөөр ажиллаж байгаа юм. Мөн Засгийн газраас алт олборлолтыг нэмэгдүүлэх замаар экспортын орлогыг нэмэгдүүлэх зорилт тавиад буй.
