Тэтгэврийн зээлийг хэдийнээс, ямар нөхцөлтэйгөөр олгохыг ахмадууд сураглаж суугаа. Харин энэ талаар УИХ-ын гишүүн Ц.Идэрбат ийнхүү мэдээллээ. Тэрбээр "Тэтгэврийн зээлийн хугацаа, нөхцлийн асуудлаар ахмадууд маш ихээр мсж бичиж байна. Тиймээс Монголбанкны Ерөнхийлөгч н. Лхагвасүрэнтэй дөнгөж сая утсаар холбогдож, тодруулга авлаа.
1. Мөнгөний Бодлогын хороог аль болох хурдан хуралдуулахаар тус хорооны гишүүдтэй ярилцаж байгаа ( мөнгөний бодлогын хорооны гишүүдийн үндсэн ажил нь өөр) 2025.06.27 -ны өдөр бол ташаа мэдээлэл юм байна.
- 2. Нөхцөлийг одоо байгаагаас зөөлрүүлэх судалгаа хийж байгаа юм байна ( хугацаа, өр, авлагын хэмжээ)
Миний хувьд ахмадуудын тавьж байгаа хугацаа, нөхцлүүдийн талаарх хүсэлтүүдийг уламжилснаас гадна хамгийн эрсдэлгүй зээл учраас зээлийн хүүг буулгах тал дээр анхаарахыг хүслээ.
3. Монголбанкны зүгээс зээлийн хувьд хамгийн эрсдэлгүй ангилалд багтдаг учраас боломжит хамгийн бага хүүгээр олгох талаар арилжааны банкуудтай ярилцаж байгаа тухай хэллээ. Энэхүү постыг Монголбанкны Ерөнхийлөгч н.Лхагвасүрэнгийн зөвшөөрлөөр орууллаа" гэв.
