Трампын зарласан гал зогсоох хэлэлцээр нэг цагийн настай байв

хэлэлцээр амжилттай болсныг зарлав.

Гэвч Ираны Гадаад хэргийн сайд Аббас Арагччи шууд няцааж, “Гал зогсоох талаар ямар ч албан ёсны тохиролцоо хийгдээгүй.

Зөвхөн Израиль 6:00 цагаас бүх дайралтаа зогсоосон нөхцөлд л бид яриа хэлэлцээ эхлүүлж болно” хэмээв.

Гэсэн ч нэг цагийн дараа Ираны албан ёсны телевиз 6:00 цагаас гал зогсоох хүчин төгөлдөр болсон гэж мэдээлсэн.

Израилийн Ерөнхий сайд Бенжамин Нетаньяху “Израиль бүх зорилгодоо хүрсэн. Ираны цөмийн болон пуужингийн аюулыг арилгасан тул Трампын санал болгосон гал зогсоохыг хүлээн зөвшөөрч байна” гэж мэдэгдсэн.

Гэвч энэ нь Израилийн өмнөх байр суурьтай зөрчилдөж байгаа. Өчигдөрхөн Нетаньяху Иран 60%-иар баяжуулсан уранаа хадгалж чадсан бөгөөд 4–6 долоо хоногт цөмийн зэвсэгтэй болох аюултай гэсэн.

2. Гал зогсоохыг Израиль ч, Иран ч зөрчжээ

Гал зогсоох тохиролцоог хоёр тал хоёулаа зөрчсөн.

Израиль агаараас дахин цохилт өгч, Иран ч пуужингийн хэд хэдэн давтамжтай хариу өгсөн байна.

Энэ талаар Трамп өөрөө ч AP агентлагт мэдэгдэхдээ:

“Гал зогсоох хэлэлцээр зөрчигдсөн. Би Иранд ч, Израильд ч сэтгэл дундуур байна. Гэхдээ Израилийн үйлдэл бүр ч таагүй байна” гэжээ.

Трамп шөнө True Social-д “Израиль, бүү бөмбөгд. Хэрэв тэгвэл энэ нь маш том алдаа болно. Нисгэгчдээ гэрт нь буцаа” гэж бичиж, Израилийг цохилтоо зогсоохыг шаардаж байсан.

Гэвч Израиль Тель-Авиваас пуужин хөөргөж, Иран ч хариу өгөв.

3. Иран дөрвөн удаа АНУ-ын цэргийн бааз руу цохилт өгчээ

Иран өнөөдөр өглөө Иракийн нутагт байрлах АНУ-ын дөрвөн цэргийн бааз руу дроноор цохилт өгсөн. Үүнд:

• Багдадын ойролцоох цэргийн бааз

• Имам Алигийн агаарын бааз (өмнөд Ирак) – агаарын довтолгооны радар устгагдсан

• Айн аль-Асадын бааз (баруун Ирак) – АНУ-ын C-RAM хамгаалалтын системийг устгасан

• Тодорхойгүй дөрөв дэх бааз – дрон болон пуужингийн цохилтод өртсөн

Үүн дээр өчигдөр Катар дахь АНУ-ын байрыг Ираны түншлэлтэй зэвсэгт бүлэглэлүүд бөмбөгдсөн халдлагыг нэмбэл, 24 цагийн дотор АНУ-ын 6 цэргийн байрлал халдлагад өртсөн байна.

4. Трамп Ираны эсрэг хоригийг зөөллөв

Трамп өнөө өглөө True Social-д:

“Хятад Иранаас газрын тос худалдаж авч болно. Мөн АНУ-аас ч худалдаж авна гэж найдаж байна. Үүнийг би боломж олгосондоо баяртай байна” гэж мэдэгдсэн.

Энэхүү мэдэгдэл нь АНУ-ын Ираны эсрэг эдийн засгийн хориг арга хэмжээг тодорхой хэмжээгээр зөөллөсөн гэсэн дохио болж байна. Ираны эдийн засагт энэ нь томоохон дэмжлэг болох юм.

5. Иран IAEA-тай хамтын ажиллагаагаа зогсоов

Reuters мэдээлснээр, Ираны парламентын Аюулгүй байдал, Гадаад бодлогын хороо олон улсын атомын энергийн агентлаг (IAEA)-тай хамтран ажиллахыг зогсоох тухай ерөнхий төлөвлөгөөг баталжээ. Үүний үр дагавар:

• Ираны цөмийн байгууламжид гадаадын хяналт алга болно

• IAEA шалгалт хийх эрхгүй болж, Иран уранаа хаана, хэрхэн баяжуулж байгааг хэн ч мэдэхгүй болно

• Ойрх Дорнод дахь цөмийн зэвсгийн аюул туйлдаа хүрч болзошгүй

Израиль өөрөө IAEA-д гишүүн биш, цөмийн зэвсгийн олон улсын гэрээнд нэгдээгүй гэдгийг тэмдэглэх нь зүйтэй.

6. Бүс нутаг хяналтаас гарлаа

Трамп Ойрх Дорнодод түр зуурын гал зогсоох зарлаж, энхийн ерөнхийлөгчийн дүрд гарахыг хүссэн боловч нөхцөл байдал огт өөр тийш эргэв.

Израиль болон Иран хоёрын дунд тулгаралт дахин эхэлж, АНУ ч давхар оролцогч болж байна.

Хамгийн ноцтой нь:

• Иран цөмийн зэвсэг бүтээх магадлалтай

• IAEA-гийн хяналтгүй болсноор энэ үйл явц хурдасна

• АНУ-ын оролцоо, Трампын нэр хүнд, бүс нутгийн аюулгүй байдал бүгд доройтож байна

2025 оны 6-р сарын 24-нд болсон үйл явдлууд Трампын төлөвлөгөөг бүтэлгүйтүүлж, бүс нутагт хямрал нүүрлэх бодит аюулыг бий болголоо.