Ерөнхий сайд Г.Занданшатараас өгсөн үүргийн дагуу “Тавантолгой төмөр зам” ХХК-ийн Төлөөлөн удирдах зөвлөл өнөөдөр хуралдаж, тус компанийн гүйцэтгэх захирал Б.Дүгэржавыг үүрэгт ажлаас нь чөлөөлөв.
Б.Дүгэржавыг энэ оны нэгдүгээр сард “Тавантолгой төмөр зам” ХХК-ийн гүйцэтгэх захирлаар томилсон юм. Сарын 16 сая төгрөгийн цалинтайгаа огт мэдээгүй. Сая л мэдлээ хэмээн хэвлэлд хээвнэг хэлж суусан Б.Дүгэржав захирал хамгийн сүүлд согтуугаар ажилчдадаа омогдож байгаа бичлэг сошиалд дэлгэгдэж, олны шүүмжлэлийг хүртсэн.
