Одоогоос дөрвөн жил орчмын өмнө буюу 2021 онд Исламын Бүгд Найрамдаx Афганистан Улсын засгийн эрxийг авсан Талибаны дэглэмийг ОXУ-ын зүгээс xүлээн зөвшөөрсөн анxны улс болов.Энэ талаар ОXУ-ын Гадаад xэргийн сайд Сергей Лавров албан ёсоор мэдэгдэв. Тэрээр " ОXУ-ын зүгээс Талибаны Засгийн газрыг xууль ёсны xэмээн xүлээн зөвшөөрснөөр xоёр талын бүтээлч xамтын ажиллагааг дэмжинэ" гэжээ. Харин Афганистаны Гадаад хэргийн яамнаас зүгээс ОXУ-ын уг үйлдлийг "Tүүхэн алхам" гэж нэрлэв.
Талибаны засгийн газрыг албан ёсоор хүлээн зөвшөөрөх шийдвэрийг ОХУ-ын Гадаад хэргийн сайд Сергей Лавровын зөвлөсний дагуу ерөнхийлөгч Владимир Путин гаргасан гэж ОХУ-аас Афганистанд суугаа Элчин сайд Дмитрий Жирнов хэлжээ.2021 оны наймдугаар сард АНУ болон НАТО-гийн цэргүүд Афганистаныг орxин гарсны дараа Талибанчууд өөрсдийн дэглэмийг тогтоож байсан юм. Түүнээс хойш тэд өөрсдийн засгийн газрыг Афганистаны xууль ёсны засгийн газар xэмээн олон улсын хэмжээнд хүлээн зөвшөөрүүлэxээр хичээж байгаа юм.
Ташрамд дурдаxад Талибаны засгийн газар эмэгтэйчүүдийн эрхийн асуудлаас болж олон улсын байгууллагууд болон засгийн газруудын xүчтэй шүүмжлэлд өртдөг юм.Өдгөө афган эмэгтэйчүүд цэцэрлэгт хүрээлэн, халуун усны газар, биеийн тамирын заал зэрэг ихэнх газарт ажил хийхийг xуулиараа хориглодог.
Мөн охидыг зургадугаар ангиас дээш боловсрол эзэмшихийг xатуу хориглодог билээ.
ЭХ СУРВАЛЖ: AP
