Байгаль орчин, уур амьсгалын өөрчлөлтийн сайд С.Одонтуяа:
-Монгол Улсын Ерөнхийлөгчийн санаачилсан тэрбум мод хөтөлбөрийн хүрээнд Хархорин хотод ногоон төгөл байгуулах төсөл хэрэгжүүлнэ. Мөн энэ жил 108 хороонд 8000 өрх хашаандаа тус бүр таван мод тарих төслийг хэрэгжүүлнэ. Говийн бүсийн усан хангамжийг сайжруулах ажлыг цаашид эрчимтэй хэрэгжүүлнэ. Сүүлийн үед ураны асуудлыг их ярьж байгаа. Засгийн газрын өнөөдрийн хуралдаанаар цацраг идэвхт бодисын нөлөөлөл, хөрс, ус, агаар, орчны бохирдлыг хэмжих олон улсын стандартыг хангасан лабораторийг бүсийн хэмжээнд байгуулах шийдвэр гаргасан гэв.
