Өнгөрөгч баасан гараг /2025.05.09/-ийн үүрийн 01:10 минутын орчимд Тайландын нийслэл Бангкок хотын Хлонг Тоэй дүүрэгт байрлах өндөр барилгын 17 давхраас Монгол Улсаас Тайландын Вант Улсад суугаа Элчин сайд А.Төмөрийн гэргий Л.Орхон /41 настай/ унаж, харамсалтайгаар амиа алдсан хэрэг гарсан талаар Тайландын хэвлэл мэдээлжээ.
Тус барилга нь Монголын Элчин сайдын яамтай ойр байрладаг учир энэ нь тухайн хэрэгтэй холбоотой байж болзошгүй гэж үзэж байгаа аж. Түүний үхлийн шалтгааныг тодруулахаар мөрдөн шалгах ажиллагааг үргэлжлүүлж байгаа юм байна.Амарсанаагийн Төмөр нь 2020 онд цар тахлын үеэр Тайландад элчингээр очсоноос хойш эхнэр нь хамт амьдарч байсан агаад Нортхэмптоны их сургуульд тусгай хэрэгцээт боловсролын чиглэлээр магистрт суралцаж байжээ. Энэ талаараа тэрээр "Тайландын Хаант улсад Монгол Улсаа төлөөлөн ажиллах болсон нь үнэхээрийн нэр төрийн хэрэг. Элчин сайдын гэргий гэдэг асар чухал үүрэг хариуцлага байдаг. Эх орныхоо эерэг, сайхан талуудыг харуулан ажиллах боломж олдсонд туйлын таатай байна. Тайланд хүмүүсийн зочломтгой, найрсаг зан чанарын ачаар мартагдашгүй, үнэ цэнтэй цаг хугацааг өнгөрүүлж байгаа" гэж "Elite Plus" сэтгүүлд ярьж байжээ.. Эх сурвалж:The Examiner, The Haosod English
