АНУ-ын тэргүүн хатагтай асан Мишель Обама нөхөр Барак Обаматай салсан гэх цуурхалд хариу өгч, үнэн мөнийг тайлбарлалаа.
“Work in Progress” подкастын хоёрдугаар хэсэгт жүжигчин Софиа Буштай хийсэн ярилцлагынхаа үеэр тэрээр энэ сэдвийг хөндөв. Барак Обама энэ оны эхээр хэд хэдэн арга хэмжээнд ганцаараа оролцсон нь хүмүүсийн дунд салалтын тухай яриа тараахад хүргэсэн байна. Өөртөө зориулан шийдвэр гаргах тухай ярихынхаа хүрээнд Мишель Обама “би” гэж хэлж, хувийн сонголтоо хийх болгондоо бусдын таашаалд нийцэхгүй байх тохиолдол гардаг тухай дурссан юм.
“Сонирхолтой нь, би ямар нэг зүйлд ‘үгүй’ гэж хэлэхэд ихэнх хүмүүс ойлгодог, би ч бас зүгээр хүлээж авдаг. Гэхдээ энэ бол бид, эмэгтэйчүүдийн хувьд ихэнхдээ хэцүү байдаг зүйл — бид бусдын урам хугалахгүй байхыг хичээдэг шүү дээ, тийм биз?” хэмээн Мишель ярьсан байна.
Тэр цааш нь ингэж хэлсэн юм:
“Ингэж өөрийн төлөө шийдвэр гаргаж байхад хүмүүс үүнийг ойлгож чадахгүй байсан. Тэгэхээр нь тэд миний нөхөр бид хоёр салж байгаа гэж бодсон. Зүгээр л өөрийнхөө амьдралд сонголт хийж байхад шүү дээ.”
Мишель Обамагийн энэхүү мэдэгдэл нь түүний гэр бүлийн амьдрал хэвийн үргэлжилж байгааг баталж, сүүлийн үед цахим орчинд тархсан ташаа мэдээлэлд хариу болсон юм.
