Л.Оюун-Эрдэнэ: “Ухаахудаг”, “Төгрөг нуур” болон бусад ордыг УИХ руу оруулах байр суурь хэвээрээ”

Ухаахудаг ордтой холбоотой тогтоолын төслийг УИХ-д өргөн мэдүүлэхээр хүргүүлсэн боловч хүлээж аваагүй  талаар ХЗДХ-ийн сайд О.Алтангэрэл мэдэгдсэн. Үүнтэй холбоотойгоор УИХ-ын гишүүн Л.Мөнхбаясгалан өнөөдрийн чуулганы үеэр Ерөнхий сайдаас Ухаахудаг ордын асуудлыг хянан шалгах, тогтоолын төслийг нь өргөн барих хэвээрээ юу хэмээн тодруулав. Ерөнхий сайд Л.Оюун-Эрдэнэ "Ерөнхий сайд, Засгийн газрын хувьд "Ухаахудаг", "Төгрөг нуур" болон бусад бүх ордыг УИХ руу оруулж ярилцах ёстой гэсэн байр суурин дээрээ  хэвээрээ" гэлээ.