Украины Ерөнхийлөгч Владимир Зеленский "Украин дайныг зогсоохын тулд "бид бүх түншүүдтэйгээ хамтран ажиллахад" бэлэн" байгаа ч Орос бүх зүйлийг үгүйсгэж, "дэлхий дахиныг мэхэлж, АНУ-ыг хуурахыг оролдож байна" гэж мэдэгджээ.
Украины удирдагч дөрөвдүгээр сарын 28-ний даваа гаргийн орой хэлсэн үгэндээ ОХУ-ын Ерөнхийлөгч Владимир Путин Дэлхийн хоёрдугаар дайнд Германыг ялсны 80 жилийн ойг тэмдэглэх хүрээнд 5-р сарын 8-наас 10-ны хооронд Украинд гурван өдрийн турш "гал зогсоох" тухай хэлсэн мэдэгдлийн хариуд ингэж хэлсэн байна.
Үүнтэй холбогдуулан Зеленский "Одоо тэр дахин нэг заль мэх хийхээр оролдож байна. Ямар нэг шалтгааны улмаас хүн бүр тавдугаар сарын 8-н хүртэл хүлээж, парадын үеэр Путинд тайван байх боломж олгохын тулд гал зогсоох хэрэгтэй болох нь" гэж мэдэгджээ.
Украины удирдагч мөн "Бид парадыг биш, хүмүүсийн амьдралыг үнэлдэг. Тийм учраас бид болон дэлхий нийт тавдугаар сарын 8-ныг хүртэл хүлээх ямар ч шалтгаан байхгүй гэж үзэж байна.Мөн галыг цөөн хоногоор зогсоох ёсгүй, учир нь тэд дараа нь дахин аллага үйлдсээр байх болно" Яаралтай, бүрэн, болзолгүйгээр дор хаяж 30 хоног гал зогсоох хэрэгтэй. Ингэвэл баталгаатай, найдвартай байх болно" гэж Зеленский нэмж хэлжээ. Эх сурвалж: dw.com Ж.Бат
