Ерөнхий сайд Ерөнхий сайд Л.Оюун-Эрдэнийн тодорхойгүй байдал улс төрийн гацаа үүсгээд байна. Өнгөрөгч лхагва гарагт болсон МАН-ын Бага хурлаас Ардчилсан намыг Засгийн газраас гаргах шийдвэр гаргасан. Дараахан нь Ерөнхий сайд огцрох өргөдлөө өөрөө өгөхөөр болсон тухай мэдээлж байв.
Ямартай ч, өнөө, маргаашдаа амжиж, УИХ-д тогтоолын төслийг хүргүүлнэ. Учир нь, пүрэв гарагт намын бүлэг, байнгын хороо, баасан гарагт УИХ-ын чуулганы хуралдаанаар түүний ирүүлсэн тогтоолын төслийг хэлэлцэх юм байна.
Ерөнхийдөө Ерөнхий сайд Л.Оюун-Эрдэнэ итгэл хүлээлгээч гэх агуулгаар тогтоолын төслийг УИХ-д оруулах аж.
Энэ дагуу түүнийг огцруулах эсэх асуудлыг шийдэх бөгөөд УИХ-ын гишүүд итгэл үзүүлбэл Ерөнхий сайд үлдэнэ. Эс бөгөөс явна гэсэн үг юм. Харин энэ өдрүүдэд УИХ-ын гишүүн Ч.Лодойсамбуугийн хэлж байсанчлан, кнопод хоёр триллион төгрөг зарцуулж байгаа гэх мэдээлэл үнэн бол гишүүд кнопоороо Ерөнхий сайдыг авч үлдэхээр болж байна.
