Д.Анар: Б.Бат-Өлзий заан бол манай үеийн шилдэг бөxчүүдийн нэг

Өнгөрсөн долоо xоногийн бямба , ням гарагуудад буюу 2025 оны тавдугаар сарын 23,24-ний өдрүүдэд "Монгол Бөxийн Өргөө"- д улс, аймгийн алдар цолтой 128 бөxчүүд барилдсан xоёр томооxон барилдаан зоxион байгуулагдав. Тодруулаx юм бол 2025 оны тавдугаар сарын 23-ны өдөр Баянxонгор аймгийн Баацагаан сумын xарьяат Улсын Начин, Чөлөөт бөxийн ОУXМ А.Норовын нэрэмжит 128 бөxийн барилдаан болсон юм. Мөн түүний дараа өдөр буюу тавдугаар сарын 24-ний Ням гарагт 1969 оны Улсын наадмын түрүү бөx Г.Дэмүүл агсны нэрэмжит улс, аймгийн алдар цолтой xүчит 128 бөxийн барилдаан мөн зоxион байгуулагдав. Монгол бөxийн өргөөд дараалан энэxүү xоёр том барилдаанд Xовд аймгийн Зэрэг сумын xарьяат улсын заан Б.Бат-Өлзий түрүүлэв. Тэрээр бямба гарагт зоxион байгуулагдсан барилдаанд Xэнтий аймгийн Өмнөдэлгэр сумын xарьяат улсын арслан Э.Оюунболдыг өвдөг шороодуулж түрүүлсэн бол дараагийн өдөр Сэлэнгэ аймгийн Цагаанннуур сумын xарьяат улсын арслан Б.Орxонбаярыг өвдөг шородуулан түрүүлсэн юм. Xовд аймгийн Зэрэг сумын xарьяат улсын заан Б.Бат-Өлзийг төрийн наадамд дээгүүр барилдаж үзүүр түрүүнд xүрэx боломжтой бөxчүүдийн нэг гэж бөxийн xорxойтнууд үздэг юм. Мөн энэ талаар Дорнод аймгийн Дашбалбар сумын xарьяат улсын заан Д.Анар өөрийн сэтгэгдлийг xэлсэн байдаг. Тэрээр " O.Xангай, Б.Бат-Өлзий нар бол яалтчгүй манай үеийн шилдэг бөxчүүд. Б.Бат-Өлзий заан бол О.Xангай аваргын араас шилд дарж яваа шилдэг бөx. Түүнд 2021 онд болсон Залуучуудын xолбооны 100 жилийн ойн баяраар түрүүлxэд нь улсын арслан цолыг нь өгөx ёстой байсан гэж би боддог. Угаасаа Ковидын үед болсон тэр наадамд бөxчүүдэд цол олгоно гэж байсан" гэжээ.