Д.Амарбаясгалан: Ажлын хэсэг нэгдсэн ойлголтод хүрвэл хуулийг хэлэлцэнэ, хүрэхгүй бол хэлэлцэхгүй

Өнөө өглөө  хэвлэл мэдээллийн 30 орчим байгууллагын  төлөөлөл УИХ-ын дарга Д.Амарбаясгалантай уулзаж, өргөн хүрээний ажлын хэсэг байгуулахад санал нэгдлээ. Энэ талаар  УИХ-ын дарга Д.Амарбаясгалан "Өглөө 08:30 цагт С.Эрдэнэболд, Ч.Лодойсамбуу нарын гишүүдийн хамт  хэвлэл мэдээллийн 30 орчим байгууллагын төлөөлөлтэй уулзалт хийсэн. Уулзалтаар УИХ-ын түвшинд хуулийн төслийг хэлэлцэхийг дэмжээд явъя. УИХ-ын даргын захирамжаар ажлын хэсэг байгуулан ажлын хэсэг өргөн хүрээгээр хуулийн төсөлд ажиллана.  Ажлын хэсэг нэгдсэн ойлголтод хүрвэл хэлэлцээд явна хүрч чадахгүй бол хэлэлцэхгүй гэсэн ойлголтод хүрсэн" гэлээ.