ОХУ-ын ерөнхийлөгч Владимир Путин Пүрэв гаригт /2025.06.18/ Германд анхааруулга хүргүүлэв. Тодруулбал, Германаас Украинд "Таурус" далавчит пуужин нийлүүлбэл ОХУ үүнийг дайнд шууд оролцсонтой адилтган хүлээж авна гэлээ. Гэхдээ канцлер Фридрих Мерцтэй ярилцахад бэлэн гэж Путин хэлэв.
Германы Батлан хамгаалахын сайд Борис Писториус энэ сарын эхээр "Украинаас ахин дахин хүсэлт ирж байгаа ч гэлээ манай улс ‘Таурус’ далавчит пуужин нийлүүлэх тухай авч хэлэлцээгүй байна" гэж мэдэгдсэн.
"Таурус" далавчит пуужингийн хамрах хүрээ нь 480 км. Украинд тус пуужинг нийлүүлсэн тохиолдолд харвахын тулд барууны хиймэл дагуулын тагнуул болон Германы албан тушаалтнуудын тусламж шаардлагатай аж. Эндээс улбаатайгаар "Таурус" пуужингийн нийлүүлэлтийг Германы шууд оролцоо гэж авч үзнэ гэжээ. "Үүнийг Оростой хийх дайнд Герман шууд оролцож байна гэж хэлэхгүй бол өөр юу гэж хэлэх вэ? Өөрөөр хэлэх боломж байхгүй" гэж Путин хэлсэн юм.
Түүнчлэн "Таурус" пуужингийн нийлүүлэлт дайны явцад нөлөөлөхгүй гэжээ. Путины хэлж буйгаа Оросын цэргүүд бүх л чиглэлд урагштай байгаа аж.
Германы танкууд өдгөө Украины дайны талбарт үүрэг гүйцэтгэж буй. Тиймээс Германы статусыг төвийг сахисанд тооцохгүй гэдгийг мөн Путин хэлсэн юм.
