Наймдугаар сарын 4-ний 15.00 цагийн үед дархан цаазат Богдхан уулын Жаргалантын аманд буун дуу гарч тарвага буудсан байж болзошгүй мэдээллийн дагуу Хамгаалалтын захиргааны албан хаагчид газар дээр нь шуурхай очиход нэг тарвага буудуулсан байдалтай олджээ.
Хан-Уул дүүргийн цагдаагийн II хэлтсийн жижүүрийн бүрэлдэхүүн хэргийн газрын үзлэг хийж, сэжигтэй Ланд 200 маркийн хар өнгийн машиныг нийслэлийн хэмжээнд эрэн сурвалжлах ажиллагаа зарлаж, хэрэг бүртгэлтийн хэрэг нээхээр ажиллаж бэхэлжээ. Хэргийн газар Зоонозийн мэргэжилтэн ирж, ариутгал халдваргүйжүүлэлт хийж буудуулсан тарвагыг авч явчээ.
Иргэдэд анхааруулахад,Эрүүгийн хуулийн 24.5-д Улсын тусгай хамгаалалттай газар нутагт зөвшөөрөлгүйгээр амьтан агнасан, барьсан, эсвэл ховор амьтныг тусгай зөвшөөрөлгүйгээр агнасан, барьсан, зориудаар тэжээж гаршуулсан, үржүүлсэн, тэдгээрийн гаралтай түүхий эдийн зүйлийг хадгалсан, худалдсан, худалдан авсан, тээвэрлэсэн, гадаад улсад гаргасан, ховор амьтны чихмэл, эд, эрхтэн, тэдгээрийн гаралтай түүхий эдийн цуглуулга хийсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэх заалттай. Мөн амьтны тухай хуулийн есдүгээр зүйлд тарвагыг жил бүрийн аравдугаар сарын 16-ны өдрөөс дараа оны наймдугаар сарын 20-ны өдрийг хүртэлх хугацаанд агнах, барихыг хориглоно хэмээн заасан байдаг.
Мөн амьтны тухай хуулийн есдүгээр зүйлд тарвагыг жил бүрийн аравдугаар сарын 16-ны өдрөөс дараа оны наймдугаар сарын 20-ны өдрийг хүртэлх хугацаанд агнах, барихыг хориглоно хэмээн заасан байдаг.
