Амины орон сууцанд Ипотекийн зээл олгоно

Гэр бүл, хөдөлмөр, нийгмийн хамгааллын сайд Л.Энх-Амгалангаас цаг үеийн асуудлаар дараах зүйлийг тодрууллаа.

---

-Ипотекийн зээлийн хүртээмж хэзээ сайжрах вэ? -Ипотекийн зээлийн тухайд бага төсөвтөө тохируулж зорилтот бүлэгт тус зээлийг олгохоос өөр арга байхгүй. Хугацаа уртасч байгаа нь хоёр шалтгаантай. Нэгдүгээрт, зургаа, найман хувийн хүүтэй зээлийг хэнд, яаж өгөх вэ гэдгийг тодорхойлохоор судалж байна. Энэ ажил бараг хийгдээд дуусч байгаа. Гэвч харамсалтай нь хуримтлалын сан дээр хуримтлагдах ёстой ногдол ашиг энэ жил гэхэд 500 орчим тэрбум төгрөг авна гэж төлөвлөж байгаа. Компаниудын ногдол ашиг оны эцэст гарна. Тус мөнгө хуримтлалын санд орж ирэхээр буцаад бид ипотект хийнэ. -Мөнгөгүй байхад зорилтот бүлгээ тодорхойлж хүмүүсийг бухимдуулах шаардлага байна уу? -Байхгүй. Цаашид ипотекийн зээлийн тогтолцоо ямар байхыг одоогийн хэрэгжиж байгаа журамтайгаа нийцүүлж өөрчилнө. Өмнөх журмаар амины орон сууцанд ипотекийн зээл олгодоггүй байсан. Харин саяын өөрчлөлтөөр стандартын шаардлага хангасан амины орон сууцанд ипотекийн зээл олгоно. Гэр хороолол, орон нутагт амины орон сууцанд ипотекийн зээл олгохоор болсон.