Албани улс төрийн үйл ажиллагааг ил тод, авлигагүй болгох зорилгоор тус улс хиймэл оюун ухаанд суурилсан шинэ сайд томилохоор шийдсэн дэлхийн анxны улс болов.Ерөнхий сайд Эди Рама энэ оны есдүгээр сард “Диелла” гэх нэртэй виртуал гишүүнийг албан ёсоор танилцуулсан бөгөөд энэ нь бие махбодгүйгээр төрийн албан тушаал хашиж буй анхны жишээ юм. Тэрбээр хэлэхдээ, “Диелла нь бүх тендерийн шийдвэрийг гаргаж, төсвийн хөрөнгийг бүрэн ил тод зарцуулна. Энэ нь авлигаас ангид байж, төрийн үйлчилгээг илүү хүртээмжтэй болгох зорилготой” хэмээн онцолсон байна.
Bиртуал гишүүн өнгөрсөн жилийн эхэнд цахим туслах хэлбэрээр хэрэглээнд орж, одоо “e-Albania” платформоор дамжуулан иргэдэд төрийн үйлчилгээ үзүүлж, 36,600 гаруй цахим баримт бичиг боловсруулжээ.Энэ шинэчлэл нь Албани улсын авлигын эсрэг тэмцлийн стратегийн нэг хэсэг бөгөөд Европын холбоонд элсэх зорилгодоо хүрэхэд чухал түлхэц болох гэж үзэж байна. Тус улсын зүгээс ирэх 2030 он гэхэд Европын холбоонд гишүүнээр элсэх зорилготой байгаа юм.
Төрийн шинэчлэл, технологийн дэвшил нь зөвхөн улс төрийн тогтвортой байдал, ил тод байдлыг нэмэгдүүлэхээс гадна, иргэдийн амьдралын чанарыг сайжруулах давуу талтай.
Эx Сурвалж: Reuters.com
