“Playtime” фестивалийн үеэр иргэдээс 10 сүх, 33 хайч, зодооны хэрэгслүүд хураан авчээ

Жил бүр уламжлал болгон зохион байгуулдаг “Playtime" хөгжмийн наадам 23 дахь жилдээ энэ сарын 03-06-ны өдөр Налайх дүүрэгт болсон. Уг наадам жилийн жилд ихээхэн хэл ам дагуулдаг. Ялангуяа хар тамхи, сэтгэцэд нөлөөлөх бодис хэрэглэсэн байж болзошгүй залуус олноор илэрч, тэднийг шинжилгээнд хамруулдаг билээ. Сүүлийн үед олныг хамарсан арга хэмжээ, тоглолтод цохион зодоон болох нь ихэсч, залуус хутгаар нэгнээ гэмтээх болсон. Тиймээс цагдаагийн алба хаагчид олныг хамарсан арга хэмжээн дээр ажиллаж,  металл илрүүлэгчээр иргэдээс эд зүйлийг хураан авдаг болсон. "Playtime" фестивалийн үеэр ч  цагдаагийн алба хаагчид ажиллаж, металл илрүүлэгчээр иргэдээс  10 сүх, 33 хайч, зодооны долоон хэрэгслийг хураан авчээ.