Занданшадар-МАН өнөөдрийн хуралдаанаа тодорхой хугацаагүйгээр хойшлуулав

Өнөөдөр буюу зургаадугаар сарын 16 нь өдөр УИХ дахь МАН-ын бүлгийн хуралдаан  10:00 цагт хуралдах байсан.  Тодорхой  хугацаагүйгээр  хойшилжээ. Ямар учир шалтгаанаас улмаас хойш болсон нь тодоройгүй байна.  Ерөнхий сайд Г.Занданшатар нь өмнөх  долоо хоногийн Баасан гаригт Засгийн газрын бүтэц бүрэлдэхүүний тухай хуулийн төсөл  батлах шаардлагатай байсан бөгөөд УИХ-д өргөн мэдүүлэхийг зорьсон ч чадаагүй. Тэрхүү үүргээ өнөөдөр өргөн барих байх гэсэн хүлээлт байсан. УИХ дахь нам бүлгийн, эвслүүдийн нэн тэргүүнд шийдвэрлэх шаардлагатай асуудал бол яахын аргагүй өнөөдрийн Засгийн газрын  хуулийн төсөл. Энэхүү асуудалтай хамт Засгийн газрыг дангаар байгуулах уу, аль эсвэл парламентад суудалтай нам эвслийн бүлэгтэй хамтрах уу гэдэг асуудал анхаарал татаад байгаа. Учир нь, бусад нам, эвслийн бүлэгтэй хамтрах бол Ерөнхий сайд саналаа бусад улс төрийн хүчиндээ хүргүүлэх ёстой. Үүний өмнө МАН-ын Удирдах зөвлөл болон бүлэгт асуудлыг танилцуулах гээд ажил хөвөрнө. Гэвч УИХ дахь МАН-ын бүлгийн гишүүд шинэ Ерөнхий сайдад Засгийн газрын танхимд хэнийг сайдаар томилуулах, томилуулахгүйг Удирдах зөвлөлөөрөө дамжуулан дайх зэргээр дам нөлөө үзүүлэх болсон. Энэ мэтчилэн асуудал нь УИХ дахь МАН-ын бүлгийн хуралдааныг хийхэд төвэгтэй болгож, хойшлогдсон байж мэдэхээр буй. УИХ дахь Ардчилсан намын бүлэг энэ цаг мөчид хуралдаж байгаа бөгөөд Ерөнхий сайдад Засгийн газраа яаралтай байгуулах шаардлагыг хүргэхээр болсон мэдээлэл байна.