Улаанбаатар-Эрээн чиглэлийн галт тэрэгний хуваарьт өөрчлөлт орлоо
Улаанбаатар-Эрээн чиглэлийн галт тэрэгний зорчигчийн тоо эрс буурч байгаатай холбогдуулан, зорчигчдод зориулсан үйлчилгээнд шинэчлэл хийхээр болсон байна. Тодруулбал энэ оны арванхоёрдугаар сарын 11-ээс 2026 оны нэгдүгээр сарын 5-ны хооронд тус чиглэлийн галт тэрэгний аяллыг цуцалж, маршрут шинэчлэн зохион байгуулжээ.
Улаанбаатар-Эрээн чиглэлийн галт тэрэг долоо хоногт дөрвөн өдөр 5 удаа аялдаг байсныг дараах байдлаар өөрчиллөө.
Даваа гарагт 20:22, Пүрэв гарагт 07:18, Баасан гарагт 20:22 хөдлөх бөгөөд пүрэв, ням гарагийн 20:22 цагаас явах 22-р галт тэрэгний үйлчилгээг зогсоосныг албаныхан мэдэгдлээ.
Энэхүү өөрчлөлтийн үндсэн шалтгаан нь зорчигчийн урсгал буурсан явдал бөгөөд энэ нь Монгол, Хятадын хоорондох тээврийн зах зээл, ачаа, зорчигчийн эрэлт хязгаарлагдмал байдалтай холбоотой гэж шинжээчид тайлбарлаж байна. Үүнээс гадна, зорчигчийн тоо багасч, эдийн засгийн үр өгөөжийг нэмэгдүүлэх зорилгоор галт тэрэгний үйлчилгээг шинэчлэн зохион байгуулах шаардлагатай болсон гэж үзэж байна.
Энэ өөрчлөлтөөр Улаанбаатар-Эрээн чиглэлийн тээврийн салбарт цаашид ч хяналт, зохицуулалтын шинэ бодлого хэрэгжих магадлалтай. Тухайлбал зорчигчийн урсгалыг тодорхойлох, тээврийн зориулалттай галт тэрэгний тоог оновчтой болгох, тээврийн зардлыг бууруулах шинэ аргачлал боловсруулж буй нь эдийн засгийн үр өгөөжийг дээшлүүлэхэд чиглэж байна.
Мэдээ бэлтгэсэн Ө.Дөлгөөн
