Төсөвт 600 тэрбумын “цоорхой” үүсч, хүүхдийн мөнгө, тэтгэврээ тавьж чадахгүйд хүрлээ

Сангийн сайд Б.Жавхлан үнэнд гүйцэгдэн, төсөвт 600 тэрбум төгрөгийн "цоорхой" үүсчээ. Төсөвт тодотгол хийх шаардлагатайг сөрөг хүчин удаа дараа сануулаад ч "Тийм нөхцөл байдал үүсээгүй. Үүсэхгүй" хэмээж байсан Б.Жавхлан сайд өнөөдөр хүүхдийн мөнгө, хөгшдийн тэтгэврээ цаг хугацаанд нь тавьж чадахгүй эрсдэлтэй нөхцөл байдалд хүрээд байна. Өөдрөг төсөв баталлаа хэмээж байсан түүний төсөөлөл ийнхүү бүтэлгүйтэж, нүүрсний үнэ унаж, ам.долларын ханш 4000 төгрөг рүү" дөхөж" явна. Үүнийг дагаад монгол төгрөг "цаас" боллоо. Сангийн сайд болон Монголбанкны Ерөнхийлөгч Б.Лхагвасүрэн нарын ажлын гүйцэтгэл,  бардам ам ийнхүү цаг хугацаанд гүйцэгдэн үнэнтэй нүүр тулж эхэллээ.