Өмнөд Солонгос улсад суралцаж буй хоёр монгол оюутан клубт танилцсан эмэгтэйд бэлгийн хүчирхийлэл үйлдсэн хэргээр баривчлагджээ
Мөрдөн шалгах ажиллагааны явцад тус хэрэгт холбогдогчдыг тодорхойлох, тогтооход хүндрэл үүссэн ч клубийн хяналтын камерын бичлэг бусад нотлох баримтуудыг ашиглан цагдаагийн байгууллага баривчилжээ. Тодруулбал клубийн орчинд хадгалагдсан камерын бичлэгүүд дээр тухайн үеийн үйл явдал, оролцогчдын үйлдлийг баталгаажуулсан байна.
Энэхүү хэрэг нь боловсролын салбараас гадна орон нутгийн хууль, ёс зүй, аюулгүй байдалтай холбоотой олон асуудлыг хөндөж байна.
Korea Immigration Service буюу Солонгосын цагаачлалын албаны 2025 оны мэдээллээр Өмнөд Солонгост суралцаж буй олон улсын оюутнуудын тоо 305,329 орчим болсон. Эдгээрээс монгол оюутнуудын тоо 17,870 гаруй байна. Мөн тус улсын цагдаагийн байгууллагын мэдээллээр Өмнөд Солонгост гадаад иргэдийн дунд жилд дунджаар ~ 36 000 сэжигтэн бүртгэгддэг гэх мэдээ гардаг. Энэ тоонд монгол, вьетнам, хятад иргэд багтдаг.
Тус хэрэг нь Монголын гадаадад суралцаж буй оюутнуудын хувьд хууль зүйн асуудлаас гадна, ёс суртахуун, нийгмийн хариуцлага, харь улсад сурч буй залуусын хувьд, орон нутгийн хууль, ёс зүйн шаардлагыг чанд мөрдөх болон тухайн орны соёл, зан заншилд дасан зохицох асуудал чухал байгааг харуулж буй бөгөөд олон улсын боловсролын салбарт болон Монголын нэр хүндэд сөрөг нөлөө үзүүлэхээс гадна, гадаадад суралцаж буй оюутнуудын хариуцлага, биеэ авч явах чадварын чухлыг эрэмбэлж байна.
Одоо цагт гадаадад буй залуусын хувьд, суралцах төдийгүй нийгмийн хариуцлагатай, хууль зүйн мэдлэгтэй байх шаардлагатайг санууллаа.
Эх сурвалж Korea Joongang Daily, The Korea Times
Мэдээ бэлтгэсэн Ө.Дөлгөөн
