Монгол Улсын нэгдсэн төсөв хэлэлцэн батлах үе шатыг цаг хугацаа, агуулгын хувьд өөрчлөх хүрээнд төсвийн төслийг жил бүрийн есдүгээр сарын 1-ний өдөр өргөн барьж, арваннэгдүгээр сарын 15-нд батлахаар хуульчилсан. Гэвч УИХ-ын намрын чуулган аравдугаар сард эхэлж баУИХйгаа нь төсвийн талаар УИХ-ын гишүүд намын бүлэг, холбогдох талуудын бүрэн танилцах, мэдээлэлтэй байх, үр дүнтэй ажиллах боломжийг хязгаарлаж байна гэж энэхүү төслийг санаачлагчид үзжээ.
Иймд УИХ-ын намрын чуулганыг есдүгээр сарын 15-нд эхлүүлж, Төсвийн төслийг есдүгээр сарын 15-ны өдрөөс эхлэн хэлэлцүүлэх нь зүйтэй гэж үзлээ. Ингэхдээ Төсвийн тухай болон Төсвийн тогтвортой байдлын тухай хуульд заасан шалгуур, дунд хугацааны төсвийн хүрээний мэдэгдлийн тусгай шаардлага, Улсын хөгжлийн жилийн төлөвлөгөөнд нийцсэн эсэх талаар санал хураалтыг хэлэлцүүлгийг тусдаа үе шат болгон таван үе шаттайгаар хэлэлцдэг байх нэмэлт өөрчлөлтийг холбогдох хуульд оруулахаар тусгасан байна.
