Өнгөрөгч 2024 он болон энэ оны нэгдүгээр улиралд малын хулгайн 1992 хэрэг бүртгэгдэж цагдаагийн байгууллага мөрдөн шалгасан байна.Малын хулгайн хэрэг Хэнтий аймагт 361, Дорнод аймагт 288, Архангай аймагт 239, Увс аймагт 210, Сүхбаатар аймагт 106 бүртгэгдсэн нь орон нутгийн хэмжээнд хамгийн их тоо юм. Харин нийслэлийн хэмжээнд Сонгинохайрхан дүүрэгт 109, Баянзүрх дүүрэгт 75, Хан-Уул дүүрэгт 61, Налайх дүүрэгт, Багахангай дүүрэгт 23 хэрэг тус тус гарчээ.
Мөрдөн шалгах ажиллагаа явуулснаар энэ хугацаанд 623 хүнийг мал хулгайлах гэмт хэрэгт холбогдуулан эрүүгийн хэрэг үүсгэн яллагдагчаар татаж, 377 хүнд холбогдох 266 хэргийг яллах дүгнэлт гарган шүүхэд шилжүүлсэн байна.
Мал хулгайлах хэрэгт холбогдсон 623 хүнээс 18 хүртэлх насны буюу насанд хүрээгүй 5, 18-30 насны 227, 31-44 насны 296, 45-аас дээш насны 95 хүн байгаа аж.
