Казинс хасагдах аюултай тоглолтод 13.7 оноо дундажладаг

Монголын сагсан бөмбөгийн дээд лигийн энэ улирлын плей-оффын хагас шигшээ шатны тоглолтууд үргэлжилж байна. Өнөөдөр /2025.04.03/ Хасын Хүлэгүүд болон Сэлэнгэ Бодонс багуудын цувралын зургаа дахь тоглолт болно. Одоогоор цувралд аваргаа хамгаалагч Хүлэгүүд 3-2 гэсэн харьцаатай илүүрхэж буй. Хэрэв өнөөдөр тэд хожигдвол финалд шалгарах учиртай.Ахлах дасгалжуулагчаа нутаг буцааж, туслах дасгалжуулагч Э.Ариунболдыг тушаал дэвшүүлсэн нь ямартай ч өгөөжтэй байгаа. Цагтаа Хүлэгүүдийн төлөө хүчин зүтгэж явсан тэрбээр сүүлийн жилүүдэд дасгалжуулагчийн албанд зүтгэж, нас насны багуудыг дасгалжуулсаар өдийг хүрлээ. Хувилбар зурахдаа хүртэл багийнхаа ахмад тамирчдыг "Ах аа" гэж байгаа нь сагсан бөмбөг сонирхогчдын анхаарлыг татжээ. Өнөөдөр түүний баг Бодонсыг давж, Казинсыг ганзага хоосон буцааж чадах болов уу?Нөгөө талд Бодонс хожигдох эрхгүй болсон. Казинстай тэд эхний шатанд BCH Найтсыг давж, өдгөө аваргуудын эсрэг жинхэнэ сорилтод орчихсон явна. Цувралын тав дахь тоглолтод Ахмад, Казинс хоёр дийлдээгүй. Хүлэгүүд ч хамгаалах учраа олоогүй.Сонирхолтой нь Казинс NBA-ийн замналдаа нийт зургаан удаа плей-оффын хасагдах аюултай тоглолтод оролцож байжээ. Тухайн тоглолтууддаа 14.9 минутад 13.7 оноо, 3.7 самбар, 1.5 ашигтай дамжуулалт үзүүлсэн аж. Амжилтын хувьд 3-3. Сүүлд 2022 онд Денвер Наггетсын бүрэлдэхүүнд байхдаа Голден Стэйт Уорриорсын эсрэг тоглож, 19 оноо авсан ч баг нь Уорриорст 4-1 гэсэн харьцаатай хожигдож байжээ.

[gallery size="medium" ids="515,516,517,518,519,520,521,522,523"]